Қара өлең үлгілері
Сыртқа жайды сырымды өлең шіркін, Өлең айтар жігіттер мынау бір күн. Үйде жатсам дем алып, әттең, мені, Тоқтатпайды шақырып дүркін-дүркін.
Search Interface
Folklore Text Corpus
A research-first corpus interface built for annotation workflows, citation discipline, and cross-lingual reading
Corpus Records
Showing 20 of 2898 records
Қара өлең үлгілері
Мекені біздің елдің қара терек, Өлеңге он жасымнан болдым зерек. Көпшілік құрметіне ән салайын, Мұндайда босқа отырып неге керек.
Қара өлең үлгілері
Сәмбіл бел, сандуғаштай сайрап тұрған, Меруерт тас Самарқанда жайнап тұрған. Жігіттер, топтан таңдап бір сұлу ал, Тасындай диірменнің ойнап тұрған.
Қара өлең үлгілері
«А» дегенде дауысым шаңырқаған, Естіген жан әнімді таңырқаған. Ақындықпен өлеңді мен айтпаймын, Көтеремін көңілді жабырқаған.
Қара өлең үлгілері
Дәм татайық, бұйырса, шай қайнаса, Бойы қызар жүйріктің айғайласа. Тіршіліктің барында ойна да күл, Не болады ер жігіт қайғы ойласа.
Қара өлең үлгілері
Болғанда айғыр жалды, ат кекілді, Көргем жоқ өзім туып сен секілді. Барады иісің жарып танауымды, Қайнатқан қалампыр сап шай секілді.
Қара өлең үлгілері
Кигенім аяғыма кебіс еді, Қос күрең жылқы ішінде тебіседі. Өлеңді бұдан бұрын айтқаным жоқ, Құрбылар, не деп айтсам, келіседі.
Қара өлең үлгілері
Алғызбайды адамзат алдағанға, Шіркін көңіл арманда бармағанға. Барсам дағы, жүрер ем арманда боп, Ойын-күлкім бір жүріп қанбақанға.
Қара өлең үлгілері
Ән дегенде жасымнан аттай желем, Ар жағымнан, ән салсам, келеді өлең. Ата-бабам жасынан өлең қуған, Мен сондықтан өлеңге көңіл бөлем.
Қара өлең үлгілері
Бәйгеге қосып жүрген жүйрік жирен, Үкілеп жал құйрығын өзім түйген. Қалықтап ұлы тойда ән салғанда, Көре алмай кетіп қалар іші күйген.
Қара өлең үлгілері
Айт десеңіз айтайын айдай он бес, Асауынан үйреткен тайдай он бес. Тіршіліктің барында ойна да күл, Қайта айналып келмейтін қайран он бес.
Қара өлең үлгілері
Көк ала үйрек ұшады аспанменен, Таң ата ма мезгілсіз сасқанменен. Кісі жары кісіге жар болмайды, Қанша мақтап қатарға қосқанменен.
Қара өлең үлгілері
Не бар дейсің өлеңді сала бермей, Көкірегім кең сарай—дала жердей. Тұра алмаймын той десе елегізіп, Жұма сайын бәйге алған қара кердей.
Қара өлең үлгілері
Жеңешеміз, ендеше, жеңешеміз, Ары отырмай, бері отыр кеңесеміз. Әнге қосып өзіңді айтар едім, Мынау қандай әдепсіз демесеңіз.
Қара өлең үлгілері
Жоғарыдан келемін жолмен саулап, Таңдайымнан келеді өлең қаулап. Шаршы топтың ішінде тартынбаймын, Мұрындықсыз тайлақтай омыраулап.
Қара өлең үлгілері
Білмеске өлең тұрғай сөз де қиын, Шығады қиыстырған сөзден түйін. Қара сөз қанағатсыз сылдыраса, Есепке алынбаса, ол да қиын.
Қара өлең үлгілері
Жүйрік те бар жылқымда, жорға да бар, Бір атымнан тер шықса, пейілім тар. Ортақ малын елімнің өсірем деп, Партияға көтерген сенімім бар.
Қара өлең үлгілері
Айдап салдым жылқымды теріскейге, Бақпай қойса, мал шіркін өрістей ме. Жылқы ішінен саңлақты ұстап мініп, Осылайша ән салсам, келіспей ме.
Қара өлең үлгілері
Екі ішекті домбыра, қақпағың тал, Дыңғырлайтын ішінде не пәлең бар. Ақын дейтін ауылға жақын қондық, Құйма құлақ балалар үйреніп ал.
Қара өлең үлгілері
Бетің айдай, домбырам, мойның қылдай, Түрлі-түрлі бетіне салдым шимай. Күйсандықтың дауысындай түрлендіріп, Дыбысыңды шығаршы, байғұсым-ай.
Reference
Browse authority entries and aliases used in corpus metadata.
Articles
Articles and research findings
Dede Qorqud Epic Culture (Sample)
Short article sample inspired by UNESCO Dede Qorqud/Korkyt Ata page.
Қазақ фольклорлық мәтіндерінің корпусы: ғылыми талдау және зерттеу мүмкіндіктері
Гуманитарлық саланы цифрландыруды көздейтін мемлекетіміздің негізгі бағдарына сәйкес соңғы жылдары мәтіндік базалар құруға деген талпыныс артуда. Бұл шын мәнінде әлемдік маңызы бар қазіргі тенденциялар қатарында танылады. Корпустық ізденістердің, атап айтқанда, табиғи тілді модельдеу, тілдік алгоритмдер түзу, мәтін өңдеудің қазіргі лингвистиканың басым бағытына айналуы шынайы қажеттіліктерден туындап отыр. Бұл мақалада «Қазақ фольклорлық мәтіндерінің корпусын әзірлеудің мәтінді ғылыми талдау және зерттеуге беретін мүмкіндіктері қарастырылады. Жұмыстың негізгі бағыттары мәтіндерді жинақтау, цифрлық ортаға енгізу, морфологиялық және семантикалық таңбалау, конкорданс құру және тілдік бірліктерді статистикалық талдау әдістерін қамтиды. Зерттеудің ғылыми маңызы – қазақ фольклорын жаңа деңгейде зерделеуге, оның мәтіндік құрылымын заманауи әдіснама арқылы талдауға жол ашатын лингвистикалық корпус базасын қалыптастырудың теориялық негіздемесін ұсынып, тілдің бай қабаттарын ғылыми айналымға енгізуді көздеуінде. Негізгі нәтижелер ретінде қазақ фольклорлық мәтіндерінің корпустық моделі екшеліп, тілдік деректерді кешенді талдау мүмкіндіктері көрсетіледі. Бұл жұмыс корпус лингвистикасының теориясы мен практикасын ұлттық фольклорға бейімдеу арқылы қазақ тіл білімінде жаңа зерттеу кеңістігін ашады. Жүргізілген зерттеу фольклор мәтіндерінің тілдік табиғатын жан-жақты сипаттап, қазақ фольклортану ғылымына әдіснамалық үлес қосады.
Қазақ тілін құндылық бағдарлы оқытуда корпус деректерін қолдану
Мақалада қазақ тілін құндылық бағдарлы оқытуда корпус деректерін қолданудың теориялық және әдістемелік негіздері қарастырылады. Құндылыққа бағдарланған білім беру тұлғаның рухани-адамгершілік, мәдени және әлеуметтік жауапкершілік қасиеттерін қалыптастыруға бағытталатыны көрсетіледі. Зерттеуде қазақ тілінің ұлттық корпусы, А. Байтұрсынұлының қазақша-орысша параллель корпусы және фольклорлық мәтіндер корпусының материалдары негізінде ұлттық құндылықтарды білдіретін тілдік бірліктердің жиілігі мен қолданыс ерекшеліктері талданды. «Ар», «намыс», «сабыр», «мейірім», «жомарттық» сияқты концептілердің мәнмәтіндік сипаты KWIC әдісі арқылы анықталды. Нәтижесінде корпус деректеріне сүйене отырып, құндылықтық мазмұнды іріктеудің және оны оқу үдерісіне енгізудің үш сатылы моделі ұсынылды. Зерттеу корпусқа негізделген оқытудың қазақ тілін меңгертумен қатар білім алушылардың мәдени-аксиологиялық дүниетанымын дамытуға мүмкіндік беретінін дәлелдейді // «Тіл мен әдебиетті құндылық бағдарлы оқыту: тәжірибе, мәселелер және перспективалары» атты ғалымдар мен мұғалімдердің халықаралық ғылыми- практикалық конференциясы материалдарының жинағы. 2 томдық., 2-том. – Астана: Л.Н. Гумилев атындағы ЕҰУ, 2025..17-21 бб.
Project Overview
This corpus was developed to preserve, study, and teach Kazakh folklore in a digital environment